Rasman: Maykl Kerrik APLda yanvar oyining eng yaxshi murabbiyi deb topildi

«Manchester Yunayted» ustozi Maykl Kerrik yanvar oyi yakunlariga ko'ra Angliya Premer-ligasining eng yaxshi murabbiyi deb topildi. Bu haqda APL matbuot xizmati xabar bermoqda.

Kerrik 13 yanvar kuni «Manchester Yunayted» boshqaruvini qo'lga olgan edi. Oy yakuniga qadar «qizil iblislar» bor-yo'g'i ikkita o'yin o'tkazishdi, biroq ularda shov-shuvli natijalarni qayd etishdi. Mankunianliklar dastlab o'z maydonlarida «Manchester Siti»ni (2:0), so'ngra safarda «Arsenal»ni (3:2) mag'lub etishdi.

Ayni damda «Manchester Yunayted» Angliya chempionati turnir jadvalida to'rtinchi pog'onani egallab turibdi. Maykl Kerrik jamoasi navbatdagi uchrashuvini 23 fevral kuni safarda «Everton»ga qarshi o'tkazadi.