Arbeloa "Barselona"ning 0:4 hisobidagi mag'lubiyati haqida: "Bu haqda Flikdan so'rang"

«Real» bosh murabbiyi Alvaro Arbeloa matbuot anjumanida jurnalistlar oldida chiqish qildi. Mutaxassisga kutilganidek «Barselona»ning natijasi haqida savol berildi — payshanba kuni kataloniyaliklar Ispaniya Kubogida «Atletiko»ga 0:4 hisobida imkoniyatni boy berishgan edi. Biroq Arbeloa o'z so'zlari bilan qandaydir shov-shuvli sarlavhalar kelib chiqishiga sabab bo'lmadi.

«Barselona»ning 0:4 hisobidagi mag'lubiyati? Bu borada izoh beradigan gapim yo'q. Bu haqda Flikdan so'rang», — dedi Arbeloa.

Alvaro Arbeloa «Real»ni chempionat doirasidagi «Real Sosedad»ga qarshi o'z maydonida kechadigan o'yinga tayyorlamoqda. Jamoalar shanba kuni, 14 fevral kuni o'zaro maydonga tushishadi.

Ayni damda «Real» La Liga turnir jadvalida ikkinchi o'rinni egallab turibdi.