Semeno: "Bu ajoyib final bo'ladi"

"Manchester Siti" hujumchisi Antuan Semeno Angliya Liga kubogi finalida "Arsenal"ga qarshi maydonga tushishni intiqlik bilan kutmoqda.

"Bu aql bovar qilmaydigan narsa. To'g'risini aytsam, hech qachon finalda bo'lmaganman. Bu birinchi darajali jamoa ishtirokidagi ajoyib final bo'ladi. Bu lahzalarni har bir futbolchi orzu qiladi. Bu voqelikda yashayotganim uchun omadliman", - dedi Semeno.

Eslatib o'tamiz, Liga kubogi yarim finalida "shaharliklar" "Nyukasl"ni, "kanonirlar" esa "Chelsi"ni mag'lub etgandi. "Arsenal" va "Manchester Siti" o'rtasidagi Liga kubogining hal qiluvchi bahsi 22 mart kuni bo'lib o'tadi.