Kioun: "Arsenal" g'alaba haqida o'ylamasdan kelgandek tuyuldi"

Angliya futbolida 26-tur yakunlandi. Londonning «Arsenal» klubi «Manchester Siti» bilan oradagi olti ochkolik farqni tiklash uchun yaxshi imkoniyatga ega edi, biroq «Brentford» bilan o'yinda g'alabani qo'ldan chiqardi. Klubning sobiq futbolchisi Martin Kiounning fikricha, «Arsenal» g'alaba uchun etarlicha ishtiyoq bilan tushmagan.

«Arsenal» o'zining eng yaxshi o'yinini ko'rsata olmadi. Ammo bir ochkoni qo'lga kiritdi. Menimcha, ular mag'lubiyatdan qutulib qolishdi. G'alaba barcha uchun kuchli signal bo'lishi mumkin edi, lekin «Arsenal», nazarimda, bu erga g'alaba haqida o'ylamasdan kelgandek tuyuldi», — deya Kiounning so'zlaridan iqtibos keltiradi «BBC Sport».

«Arsenal»ning «Manchester Siti»dan ustunligi to'rt ochkogacha qisqardi.