«Atletiko»dan tarixiy zarba: «Barselona» 5,5 yildan beri bunday holatga tushmagan edi!

«Atletiko» so'nggi besh yarim yil ichida «Barselona» darvozasiga bir bo'limda 4 ta gol urgan birinchi jamoa bo'ldi.

Diego Simeone jamoasi Ispaniya Kubogida kataloniyaliklarni tor-mor etdi — 4:0. Madridliklar 6, 14, 33-daqiqalarda va birinchi bo'limga qo'shib berilgan vaqtda gol urishga muvaffaq bo'lishdi.

Bugungi kunga qadar «blaugrana» oxirgi marta 2020 yilning avgustida Chempionlar Ligasi doirasida «Bavariya»dan (2:8) bir bo'limda 4 ta gol o'tkazib yuborgan edi. O'shanda Myunxen klubini hozirda «Barselona»da ishlayotgan Xans-Diter Flik boshqargan.