Flik «Barselona» boshqaruvidagi eng yirik mag'lubiyatiga uchradi

«Barselona» Xans-Diter Flik qo'l ostidagi eng yirik mag'lubiyatini qabul qilib oldi.

Kataloniya klubi Ispaniya Kubogi yarim finalida «Atletiko»ga 0:4 hisobida imkoniyatni boy berdi. Bungacha «blaugrana» germaniyalik mutaxassis davrida 4 ta to'p farqi bilan yutqazmagan edi. Ushbu davrda «Barsa»ning eng yirik mag'lubiyatlari «Chelsi» (0:3) va «Sevilya» (1:4) bilan o'yinlarda qayd etilgandi.

Bu Flik uchun bosh murabbiy sifatida 2005 yilning martidan beri eng yirik mag'lubiyatdir — o'shanda uning boshqaruvidagi «Xoffenxaym» «Offenbax Kikkers»ga 2:6 hisobida yutqazgan edi.