APLda o'yindan oldin qo'l berib ko'rishish taqiqlandi

Angliya premer-ligasi rahbariyati futbolchilarning o'yindan oldin o'zaro qo'l berib ko'rishish odatini taqiqlash borasida qaror qabul qildi.

Bunga COVID-19 koronavirusining keng tarqalib borayotgani sabab bo'ldi. Mazkur taqiq shifokorlardan tegishli ruxsat olinmaguncha amalda bo'ladi.

Shu tariqa, futbolchilar APL madhiyasi chalinayotganida maydonda saf tortishadi, shundan so'ng mezbon jamoa vakillari raqib futbolchilari yonidan o'tib ketishadi, ammo qo'l berib ko'rishilmaydi.

Eslatib o'tamiz, dunyo bo'ylab koronavirus bilan zararlanganlar soni 100 mingga yaqinlashib qoldi. Undan halok bo'lgan soni 3 mingdan oshdi.