Rodrining otasi o'g'lining kelajagi haqida gapirdi

«Manchester Siti» yarim himoyachisi Rodrining otasi Antonio Ernandes o'g'lining kelajagi haqida fikr bildirdi.

«Oltin to'p» sohibining shartnomasi 2027 yilda yakuniga etadi. Avvalroq uning «Real» qiziqishlari doirasida ekanligi xabar qilingandi.

"Agar sizga biron narsani aytib berganimda, sizni o'ldirishimga to'g'ri kelardi. Men hech narsa deya olmayman.

Hozir u o'zi ishlayotgan joyda o'zini juda qulay his qilmoqda. Ehtimol, keyinchalik qaerda o'ynashini uning o'zi ham hali bilmas. Muzokaralar ketmoqda. Lekin men hech narsa bilmayman", — dedi Ernandes.