TyC Sports «Real»ning markaziy himoya uchun ustuvor nomzodi ismini ma'lum qildi

Madridning «Real» klubi yangi markaziy himoyachi borasida bir qarorga keldi. Bu — «Tottenxem» a'zosi Kristian Romero.

«TyC Sports» nashrining ta'kidlashicha, Romero «qaymoqranglilar»ning short-listidagi eng asosiy nomzod hisoblanadi. Madridliklar kelayotgan yozda argentinalik futbolchini qo'lga kiritish uchun barcha imkoniyatlarni ishga solishmoqchi.

Qayd etilishicha, Romeroning o'zi ham «Real»ga o'tishga qarshi emas. U «Tottenxem» rahbariyatidan va klubdagi hozirgi vaziyatdan norozi.