Roy Kin Koul Palmerga «hasad qilishini» tan oldi

«Manchester Yunayted»ning sobiq futbolchisi Roy Kin «Chelsi» yarim himoyachisi Koul Palmerning o'yini haqida o'z fikrlarini bildirdi. U hujumkor xavbekning harakatlaridagi erkinlik va xotirjamlikni alohida qayd etdi.

«Men Palmerning o'yinga bo'lgan munosabatiga ozgina hasad qilaman. Uning yondashuvi men o'ynagan davrdagidan butunlay farq qiladi. O'yinni shunchalik osonlashtirib yuboradigan futbolchilarni ko'rganimda, ularga qoyil qolaman. U xuddi ko'chada to'p surayotgandek o'ynaydi», — dedi Kin.

Joriy mavsumda Koul Palmer «Chelsi» safida 18 ta o'yinda maydonga tushib, 9 ta gol urdi va 3 ta golli uzatmani amalga oshirdi.