Tuxel: "Men juda xursandman va Angliya terma jamoasi bilan shartnomamni uzaytirganimdan faxrlanaman"

Angliya terma jamoasi bosh murabbiyi Tomas Tuxel jamoa bilan shartnomani uzaytirishga munosabat bildirdi.

"Men juda xursandman va Angliya terma jamoasi bilan shartnomamni uzaytirganimdan faxrlanaman. Futbolchilarim va murabbiylarim bilan ishlashning har bir daqiqasidan zavqlanishim hech kimga sir emas. Jamoani jahon chempionatida g'alaba qozonishga olib kelishni intiqlik bilan kutyapman. Mamlakatimiz biz bilan faxrlanishi uchun qo'limizdan kelganini qilamiz", - deya Tuxelning so'zlarini keltiradi terma jamoa matbuot xizmati.

Angliya terma jamoasi 2026-yilgi jahon chempionatiga muvaffaqiyatli yo'llanma oldi. Qur'a natijalariga ko'ra, Tuxel jamoasi Gana, Panama va Xorvatiya bilan bellashadigan L kvartetiga yo'l oldi.