Jerrard: "Palmer bilan "Chelsi" butunlay boshqacha ko'rinadi"

"Liverpul"ning sobiq sardori Stiven Jerrard "Chelsi" yarimhimoyachisi Koul Palmer haqida fikr bildirdi.

"Palmerning qaytishi boshqa klublarda jiddiy xavotir uyg'otmoqda. U shunchaki gol uradigan futbolchi emas, maydondagi kuchlar nisbatini butunlay o'zgartiradigan futbolchi. Palmer formada bo'lganida "Chelsi" butunlay boshqacha ko'rinadi", - deya Jerrardning so'zlarini keltiradi TNT Sports.

Koul Palmer 2023 yilda "Manchester Siti"dan 47 million evro evaziga "Chelsi"ga o'tgandi. Uning "ko'klar" bilan shartnomasi 2033 yilning 30 iyuniga qadar mo'ljallangan.

Joriy mavsumda yarim himoyachi London klubi safida barcha musobaqalarda 18 ta o'yinda maydonga tushib, 9 ta gol urdi va 3 ta golli uzatmani amalga oshirdi.