Postekoglu nima uchun "Tottenxem"ni top-klub deb hisoblamasligini tushuntirdi

"Tottenxem"ning sobiq bosh murabbiyi Ange Postekoglu London klubining transferlari haqida gapirdi.

"Tottenxem" klub sifatida o'zini grandlardan biri deb e'lon qilmoqda... Lekin mening tajribamga, u erda ikki yil ishlaganimga va o'zlarini qanday tutishlariga qaraganda, men bunday deb o'ylamayman... "Arsenal"ga futbolchilar kerak bo'lganda, ular Deklan Rays uchun 100 million funt sarflashadi. "Tottenxem" bunga qodir deb o'ylamayman", - deya Postekogluning so'zlarini keltiradi The Overlap.

Eslatib o'tamiz, avvalroq "Tottenxem" Tomas Frankni bosh murabbiylikdan iste'foga chiqargan edi. "Shporlar" 26 turdan so'ng Premer-liga turnir jadvalida atigi 29 ochko jamg'argan holda 16-o'rinni egallab turibdi.