Mbappe, Keyn va Xoland emas: Palermo Evropaning eng yaxshi hujumchisini aytdi

Argentina terma jamoasining sobiq hujumchisi Martin Palermo vatandoshi va Milanning «Inter» klubi forvardi Lautaro Martines haqidagi fikrlari bilan o'rtoqlashdi.

"Men Martinesni Evropadagi eng yaxshi hujumchi deb hisoblayman. Lautaro ko'p gol uradi. Bundan tashqari, Martines pastroqqa tushib, jamoaning kombinatsion o'yinlarida ishtirok eta oladi. U maydon bo'ylab ko'p harakat qiladi, qanotlarga uzatmalar beradi va keskin tezlanishlarni amalga oshiradi", — deya sobiq futbolchining so'zlarini keltirmoqda «Football-Italia».

Italiya chempionatining joriy mavsumida 28 yoshli hujumchi 24 ta uchrashuvda maydonga tushib, 14 ta gol va 4 ta golli uzatma bilan ajralib turdi.