Gvardiola Nunesdan muntazam ravishda nima talab qilishini aytdi

«Manchester Siti» bosh murabbiyi Xosep Gvardiola jamoa himoyachisi Mateus Nunesning o'yini haqida o'z fikrlari bilan o'rtoqlashdi.

«Men Mateus Nunesga doimo hujumda aql bovar qilmas tezlikka ega ekanligini aytaman va nima uchun u bundan ko'proq foydalanmasligini tushunmayman», — dedi Gvardiola jurnalistlarga bergan intervyusida.

Eslatib o'tamiz, Angliya chempionatining 26-turida «Manchester Siti» o'z maydonida «Fulxem»ni qabul qilib, raqib darvozasiga javobsiz uchta to'p kiritdi.

Joriy mavsumda 27 yoshli Nunes barcha musobaqalarda jami 32 ta o'yinda maydonga tushib, o'z hisobiga bitta gol va oltita golli uzatmani yozdirib qo'ydi.