«Yig'indagi g'alabalar meni xursand qilmaydi» – Vadim Abramov «Pyunik» mag'lub etilgani va tayyorgarlik haqida

«Pyunik» va «Dinamo» o'rtasidagi o'rtoqlik o'yinidan keyin samarqandliklar bosh murabbiyi Vadim Abramov uchrashuv borasidagi fikrlari bilan o'rtoqlashdi.

«O'yinlar orqali tayyorgarlik ko'rishda davom etyapmiz. Bugun omadimiz keldi, gollar urdik, bungacha ikkita o'yinda gol urmagandik, bugun urganimiz xursand qiladi. Umuman olganda, hammasi reja bo'yicha ketmoqda.

Ikki bo'limda ikki xil taymga guvoh bo'ldik? Ha albatta, hammaga o'ynash imkonini berdik. Ikkinchi bo'limda maydonga tushgan o'yinchilar o'yinga temp qo'shishdi va omadli gollar urildi.

O'zgarishlar o'yin uchun reja edimi? Reja faqat bitta – tayyorlanish va yutish. Shunday ham bo'ldi.

Navbatdagi o'yin 14 fevral kuni «Lokomotiv» Moskvaga qarshi? Yaxshi raqib. Ko'rib turibsiz, har bir sparring uchun mamlakatlarning etakchi klublariga qarshi o'ynayapmiz. Umid qilamanki, bu jamoa va tarkibdagi yoshlar uchun foydali bo'ladi.

3:0 hisobidagi g'alabadan keyin hammasi yaxshi deb o'ylaysan, shu bois o'zi odatda qishki yig'inlardagi g'alabalar meni xursand qilmaydi. Chunki xuddi hammasi yaxshidek ko'rinib, xotirjamlikka berilish mumkin. Ammo muammolar bor va biz buni echishimiz kerak. Umid qilamanki, chempionat startigacha echamiz», - dedi Vadim Karlenovich klub matbuot xizmatiga.