Italiya Kubogi: Barcha yarim finalchilar ma'lum

Chorshanba, 11 fevral kuni «Latsio» Italiya Kubogi 1/4 finalida «Bolonya»ni penaltilar seriyasida (1:1, pen. — 4:1) mag'lub etdi. Shu tariqa, turnirning barcha yarim finalchilari nomi ma'lum bo'ldi.

Yarim finalda «Latsio» «Yuventus»ni musobaqadan chiqarib yuborgan «Atalanta» bilan to'qnash keladi. Ikkinchi juftlikda esa «Inter» va «Komo» jamoalari o'zaro bahs olib borishadi. Eslatib o'tamiz, ushbu jamoalar chorak finalda mos ravishda «Torino» va «Napoli» to'sig'idan o'tishgan edi.

Dastlabki uchrashuvlar 4 mart kuni, javob bahslari esa 22 aprelga belgilangan. O'yinlarning aniq boshlanish vaqti translyatsiya huquqiga ega bo'lgan kompaniyalar bilan kelishilgan holda keyinroq e'lon qilinadi.