Vinisius Arauxoga qo'ng'iroq qilgani ma'lum bo'ldi

Vinisius Junior ruhiy muammolarga duch kelgan Ronald Arauxoga nisbatan iliq munosabatda bo'ldi.

«As» nashrining xabar berishicha, 2025 yil oxirida, «Barselona» himoyachisi depressiya bilan kurashayotgan bir vaqtda, «Real» vingeri unga qo'ng'iroq qilgan. Braziliyalik futbolchi urugvaylik hamkasbining ahvoli bilan qiziqqan, unga dalda berib, qo'llab-quvvatlashini bildirgan.

Avvalroq, Vinisius yanvar oyida bo'lib o'tgan Ispaniya Superkubogi finalida ham Arauxo bilan suhbatlashgani haqida xabar berilgan edi.