Vlaxovichga «Barselona», «Bavariya» va «Milan» qiziqish bildirmoqda. «Yuventus» bilan muzokaralar to'xtatilgan

Ispaniya va Germaniyaning top-klublari Dushan Vlaxovichga bo'lgan qiziqishlarini saqlab qolishmoqda.

Insayder Fabritsio Romanoning ma'lumotlariga ko'ra, hujumchi va «Yuventus» o'rtasidagi muzokaralar to'xtatilgan, biroq serbiyalik futbolchi hali biror bir boshqa klub bilan kelishuvga erishmagan. Robert Levandovskiga o'rinbosar qidirayotgan «Barselona» hujumchi bilan aloqaga chiqqan. Shuningdek, Vlaxovich «Bavariya»ni ham qiziqtirib qolgan, ammo so'nggi bor oktyabr yoki noyabr oylarida aloqa o'rnatilgan va hozircha rasmiy taklif berilmagan. «Milan» ham Dushanni o'z nazoratida ushlab turibdi.

Joriy mavsumda 26 yoshli hujumchi A Seriyada 13 ta o'yinda maydonga tushib, 3 ta gol urdi.