Flik: "Agar Arauxo bu haqda gapirishga qaror qilgan bo'lsa, u kuchli odam"

"Barselona" bosh murabbiyi Xans-Diter Flik intervyuda o'zining psixologik muammolari haqida gapirgan Ronald Arauxoni qo'llab-quvvatladi.

"Ronald bilan bog'liq vaziyatdan xabardormiz. U hamma narsani aytib berdi va biz uni har tomonlama qo'llab-quvvatladik. Bunday ochiqlik sizning kuchli inson ekanligingizni ko'rsatadi.

Futbolda mentalitet va g'alabaga intilish juda muhim. Futbolchilarga g'amxo'rlik qilish muhim. Va nafaqat o'z jamoasi o'yinchilari haqida. Raqiblar haqida ham qayg'urish kerak. Bu haqda o'ylash kerak. Murabbiy sifatida siz barcha o'yinchilar uchun javobgar bo'lishingiz kerak. Siz faqat o'zingiz uchun qanday qilib yaxshiroq bo'lishi haqida o'ylamasligingiz kerak", - dedi Flik Ispaniya kubogi doirasida "Atletiko"ga qarshi o'yin oldidan o'tkazilgan matbuot anjumanida.