Runi "MYu"ning sochini oldirmaydigan muxlisi haqida: "U meni bezor qildi!"
/ Kiritdi: BestMaster Ko'rilgan: 798
Frenk ismli «Manchester Yunayted» muxlisi 2024 yilning oktyabr oyidan beri soch oldirmay kelmoqda. U jamoasi ketma-ket beshta o'yinda g'alaba qozonmaguncha sartaroshga bormaslikka qasam ichgan. Maykl Kerrik boshchiligidagi «qizil iblislar» ketma-ket to'rtta g'alabalik seriya qayd etishgandi, biroq seshanba kuni «Vest Xem» bilan durang o'ynab, ochko bo'lishishdi. Natijada, Frenk yana soch oldira olmaydigan bo'ldi.
«Manchester Yunayted»ning sobiq hujumchisi Ueyn Runi ushbu muxlis atrofidagi muhokamalardan g'azabda ekanini yashirmadi.
«Men uni mamlakatning narigi chekkasiga jo'natib yuborgan bo'lardim. U meni jonimga tegdi! Biz soch oldirmoqchi bo'lgan yigit haqida emas, balki Kerrik va ketma-ket beshta o'yinda g'alaba qozonishga harakat qilayotgan «Manchester Yunayted» haqida gapirishimiz kerak.
Garov o'ynashim mumkin, agar «Manchester Yunayted» g'alaba qozonsa, u xafa bo'ladi, chunki keyin unga hech kim e'tibor bermay qo'yadi. Bularning barchasi meni aqldan ozdiryapti. Mana, futbol va ijtimoiy tarmoqlar qaerga qarab ketmoqda», — dedi Runi «No Tippy Tappy Football» podkastida.
Hozirda «Manchester Yunayted» Premer-liga turnir jadvalida to'rtinchi o'rinni egallab turibdi.
Bosh sahifaga
247