"Real" Bundesliga himoyachisini nishonga oldi

Madridning "Real" klubi Dortmundning "Borussiya" klubi himoya chizig'i etakchilaridan biri Niko Shlotterbekni nishonga oldi.

Ispaniya grandi 26 yoshli markaziy himoyachini o'z safiga qo'shib olish bo'yicha jiddiy ish olib bormoqda. Klub uni yaqin transfer oynasida himoya chizig'ini kuchaytirish uchun asosiy variantlardan biri sifatida ko'rmoqda.

Futbolchining o'zi ham o'tish imkoniyatini ijobiy baholamoqda. Agar Shlotterbek Dortmundni tark etishga qaror qilsa, uning ustuvor yo'nalishi aynan "Real" bo'ladi.

Uning ehtimoliy transfer summasi 40-50 million evro atrofida bo'lishi kutilmoqda.