Kapello: "Real"ga Anchelotti kabi murabbiyni topish juda qiyin bo'ladi"

Madridning «Real» klubi sobiq ustozi Fabio Kapello klub rahbariyati uchun Karlo Anchelotti darajasidagi mutaxassisni topish deyarli imkonsiz bo'lishini ta'kidladi. Kapello Anchelottini «Real»ning so'nggi 10–12 yillik muvaffaqiyatlarining asosiy ijodkori deb hisoblaydi.

«U kiyinish xonasini boshqarishda tengsiz menejer. O'ylashimcha, Madridning «Real» klubi rahbariyati uchun bunday mutaxassisning o'rnini bosa oladigan nomzod topish juda qiyin bo'ladi», — deya Fabio Kapelloning so'zlarini «pianetamilan.it» nashri keltirmoqda.

Eslatib o'tamiz, Karlo Anchelotti 2025 yilning may oyida «Real»ni tark etib, Braziliya terma jamoasini qabul qilib olgan edi. U «qirollik klubi»da ikki davr mobaynida (2013–2015 va 2021–2025 yillar) faoliyat yuritib, klub tarixidagi eng ko'p sovrin yurtgan murabbiyga aylandi.