"Real" o'z futbolchisini Entso Fernandes transferiga qo'shishga tayyor

"Real" "Chelsi" yarim himoyachisi Entso Fernandesni o'z safiga qo'shib olishga qiziqish bildirmoqda.

"DS Sports" nashri bergan ma'lumotlarga ko'ra, Madrid klubi argentinalik futbolchini yozgi transfer oynasida sotib olish uchun rasmiy taklif tayyorlamoqda. "Qaymoqranglilar" Entsoning transferi evaziga "ko'klar"ga 60 million evro va Eduardo Kamavingani berishga tayyor.

Entso Fernandes 2023 yilda "Benfika"dan "Chelsi"ga 121 million evro evaziga o'tgan edi. Uning London klubi bilan shartnomasi 2032 yilning 30 iyuniga qadar mo'ljallangan. Joriy mavsumda yarim himoyachi "ko'klar" safida barcha musobaqalarda 37 ta o'yinda maydonga tushib, 11 ta gol urdi va to'rtta golli uzatmani amalga oshirdi. "Transfermarkt" portali Fernandesning qiymatini 85 million evroga baholamoqda.