Tomas Frank iste'fo haqida fikr bildirdi

«Tottenxem» bosh murabbiyi Tomas Frank ehtimoliy iste'fo haqidagi gap-so'zlarga munosabat bildirdi.

Seshanba kuni «shporlar» o'z uyida «Nyukasl»ga imkoniyatni boy berishdi (1:2). Londonliklar APLning 26 turidan so'ng turnir jadvalida 16-pog'onani egallab turishibdi, xavfli zonadan jamoani atigi besh ochko ajratib turibdi. Shunga qaramay, Frankning so'zlariga ko'ra, hozircha unga ishdan bo'shatilish xavf solayotgani yo'q.

«Yo'q, men kecha klub egalari bilan gaplashdim, — deya javob berdi daniyalik mutaxassis «qarg'alar» bilan o'yindagi omadsizlikdan so'ng iste'foga chiqarilishi mumkinligi haqidagi savolga. — Men juda qattiq ishlayapman va jamoani eng yaxshi tarzda tayyorlash uchun qo'limdan kelgan barcha ishni qilyapman.

Men muxlislarning hafsalasi pir bo'lganini tushunaman. Hamma aybni murabbiyga ag'darish — eng oson yo'l, afsuski, bu mening ishimning bir qismi. Vaziyatni o'zgartirish uchun kunu tun mehnat qilaman, lekin hamma narsa ham bir kishiga bog'liq emas», — dedi Frank BBC Match of the Day nashriga bergan intervyusida.

Yakshanba kuni, 22 fevral sanasida, «Tottenxem» «Arsenal»ga qarshi maydonga tushadi.