"Real" Soboslai uchun o'z yarim himoya yulduzini taklif qilmoqda

"Liverpul" yarim himoyachisi Dominik Soboslai "Real" qiziqishlari doirasiga tushib qoldi. Bu haqda "Topskills Sport UK" nashri xabar bermoqda.

Manbaning ma'lumotiga ko'ra, Madrid klubi vengriyalik futbolchining agenti bilan dastlabki muzokaralarni boshlagan. Kelishuv doirasida "qaymoqranglilar" "qizillar"ga o'z yarim himoyachisi Eduardo Kamavingani taklif qilishga tayyor.

Qayd etilishicha, "Liverpul" Soboslaini qo'yib yuborishni istamayapti va uni faqat 160 million evro evaziga sotishga rozi bo'lishi mumkin. Futbolchining o'zi esa haftasiga 350 000 evro miqdorida ish haqi olmoqchi.