Ivan Yosovich: «Metallurg» qisqa vaqt ichida Superligaga qaytishiga ishonaman»

Avval xabar berganimizdek, "Metallurg" klubining Ivan Yosovich bilan bog'liq vaziyati ijobiy hal etildi. Natijada, FIFA tartib-intizom qo'mitasi vaziyatni o'rganib chiqqan hamda «Metallurg» PFKdan transfer cheklovini olib tashladi.

«Metallurg» PFK matbuot xizmati futbolchi bilan bog'lanib, vaziyat yuzasidan uning fikrlari bilan qiziqdi.

«Avvalo, «Metallurg» klubini katta futbol sahnasiga qaytgani bilan tabriklayman. Jamoaga yangi mavsumda ham omad tilab qolaman.

O'rtamizdagi holat bo'yicha gapiradigan bo'lsam, futbolda bunday ishlar bo'lib turadi. Muhimi, barcha muammolar echimini topdi. Buning uchun «O'zmetkombinat» AJ rahbari Bahodir Abdullaevga va «Metallurg» klubi Bosh direktori Ulug'bek Mirzaevga alohida rahmat aytmoqchiman. Klubda mana shunday tajribali mutaxassis ish boshlaganini bilib, juda xursand bo'ldim. Uni avvaldan yaxshi taniyman — O'zbekistondagi eng kuchli futbol mutasaddilaridan, fidoyilaridan.

Umid qilamanki, «Metallurg» futbol klubini yorqin kelajak kutib turibdi. Jamoa qisqa vaqt ichida Superligaga qaytishiga ishonaman. Klubning asl o'rni ham aynan o'sha erda», — deydi Ivan Yosovich.

Manba: https://t.me/metallurguz