Ronaldu effekti: "An-Nasr" direktori iste'foga chiqdi

Krishtianu Ronalduning «boykoti» izsiz ketmagan ko'rinadi. «Arriyadiyah» nashriga ma'lum bo'lishicha, Muhammad al-Skit «An-Nasr» direktorlar kengashi raisi lavozimidan iste'foga chiqqan. Funktsioner o'z qarorini tafsilotlarga to'xtalmagan holda «shaxsiy sabablar» bilan izohladi.

Bundan oldin «An-Nasr»da Ronalduga yaqin bo'lgan portugaliyaliklar — Joze Semedu va Simau Koutinyuning vakolatlari tiklangani haqida xabar berilgan edi. Yulduz hujumchi go'yoki klubdan ichki muammolarni tuzatish bo'yicha va'dalar olgan.

Qayd etilishicha, «An-Nasr» boshqaruv tuzilmasidagi o'zgarishlar davom etadi. Jamoa hozirda Saudiya Arabistoni Pro-ligasi turnir jadvalida ikkinchi o'rinni egallab turibdi.