Kerrik "MYu"ning qariyb 500 kun sochini oldirmagan muxlisi haqida gapirdi
/ Kiritdi: BestMaster Ko'rilgan: 1243
"Manchester Yunayted" bosh murabbiyi Maykl Kerrik noodatiy soch turmagiga ega muxlis haqida bilishini ma'lum qildi.
"MYu" muxlisi Frenk Illett mankunianliklar ketma-ket beshta g'alabaga erishmaguncha sochini oldirmaslikka va'da bergani bilan mashhur bo'ldi. Va'da 2024 yil 5 oktyabrda berilgan edi, ammo "MYu" haligacha bu vazifani bajara olmadi. Muxlis 493 kundan beri soch olmaydi.
Hozircha "Manchester Yunayted" ketma-ket 4 o'yinda g'alaba qozondi. Bugun jamoa safarda "Vest Xem" bilan kuch sinashadi.
"Men bu voqeadan xabardorman, ha. Bolalarim meni ishning borishi bilan tanishtirishdi. Ammo bu professional darajada jamoada muhokama qilinmasligi aniq.
Nima bo'layotganini tushunaman, bu kulgili, ammo oxir-oqibat bu bizga ta'sir qilmaydi", - dedi Kerrik.
Bosh sahifaga
241