"Barselona"ning sobiq prezidenti Laporta futbolchilar bilan xayrlashdi

Joan Laporta "Barselona" prezidenti lavozimini tark etdi. Funktsioner navbatdagi saylovlarda nomzodini qo'yish imkoniyatiga ega bo'lish uchun shunday qadam tashladi. Reglament talabi shunday.

Seshanba kuni Laporta mashg'ulot bazasiga tashrif buyurdi va futbolchilar bilan xayrlashdi. Bu haqda "The Touchline" nashri xabar bermoqda. Shuningdek, Laportaning "Barselona" bosh murabbiyi Xans-Diter Flik bilan quchoqlashib tushgan surati ham e'lon qilindi.

"Barselona" prezidenti uchun saylovlar 15 mart kuni bo'lib o'tadi. Joan Laporta ushbu saylovlarda g'alaba qozonishga umid qilmoqda.

Hozirda "Barselona" Ispaniya La Ligasi turnir jadvalida peshqadamlik qilmoqda. Ikkinchi o'rindagi "Real" kataloniyaliklardan bir ochko orqada qolmoqda.