Arne Slot: «Bu faoliyatimdagi eng qiyin mavsum»

«Liverpul» bosh murabbiyi Arne Slot mavsumning hal qiluvchi pallasi oldidan o'z fikrlari bilan o'rtoqlashdi. Murabbiy EChL yo'llanmasi va kutilmagan mag'lubiyatlar haqida to'xtalib o'tdi.

«Bizda hali ham ushbu mavsumda nimadir alohida natija ko'rsatish imkoniyati bor. Agar keyingi mavsum uchun EChL yo'llanmasini qo'lga kirita olmasak, bu albatta qabul qilib bo'lmas natija bo'ladi. Kuchli to'rtlikka kirish uchun biz mukammallikka yaqin darajani ko'rsatishimiz kerak».

«Bu mavsum men uchun murabbiy sifatidagi eng qiyin mavsummi? Ha, shubhasiz! Bundan oldingi barcha mavsumlarimda faqat ijobiy holatlar bo'lgandi. Menimcha, men hech qachon ketma-ket ikkita o'yinda mag'lub bo'lmaganman. Bu men uchun istisno, men bunga o'rganmaganman».

«Shuni yodda tutish kerakki, men kelgan paytimda biz faqat Kezani sotib oldik. Kutilmalar va ish natijalari kontekstida jamoa oldiga qo'yilayotgan talablarni juda yaxshi anglab turibman».