"Al-Ittihod" afsonasi Benzemaning "Al-Hilol"ga o'tishini keskin qoraladi

"Al-Ittihod" afsonasi Muhammad Nur Karim Benzemaning yaqinda "Al-Hilol"ga o'tganini keskin tanqid qildi. "Oltin to'p" sohibi yangi shartnoma bo'yicha kelishmovchiliklar tufayli "Al-Ittihod"ni tark etgan edi.

Nur o'z noroziligini shunday ifodaladi:

"Benzemaning shartnomasi 2026 yil 30 iyunda yakuniga etardi, "Al-Ittihod" unga uzaytirishning ikkita variantini taklif qildi, ammo u vaqtni paysalga soldi. Karim "Al-Ittihod" rahbariyatining xabarisiz "Al-Hilol" bilan oldindan kelishib olgan, keyin esa o'ziga ishongan rahbariyatga bosim o'tkazgan — lekin u indamagan, chunki "Al-Hilol" bilan hamma narsa hal bo'lib bo'lgan edi.

U "Al-Ittihod"dan juda xunuk tarzda ketdi. Nahotki uni qo'llab-quvvatlagan va ismini hayqirib aytgan muxlislar loaqal "rahmat" deyishiga loyiq bo'lmasa? Klub emas, uning o'zi yutqazdi".