Matteus - Karlning fintlari haqida: "Hatto Messi 17 yoshida ham hamma narsani mukammal qilmagan"

Myunxenning "Bavariya" klubi sobiq himoyachisi Lotar Matteus Bundesliganing "Xoffenxaym"ga qarshi kechgan so'nggi uchrashuvida (5:1) jamoaning 17 yoshli iqtidori Lennart Karl ko'rsatgan o'yinga munosabat bildirdi.

"Karlning omadsiz chiqqan fintlari aks etgan video internetda virus kabi tarqalib ketdi. U bor-yo'g'i 17 yoshda va futbolni juda yaxshi ko'radi. Ba'zida u tryuklar borasida haddan oshib yuboradi, lekin axir bizga shunaqasi yoqadi-ku. Bu yigit o'z mahoratini ko'rsatishni va afsonalarning tryuklarini takrorlashni istaydi. Hatto Messi ham 17 yoshida hamma narsani ideal darajada bajara olmagan. Mayli, Lennart bizni ko'nglimizni olishda (xushnud etishda) davom etsin", — deya Matteusning so'zlarini "Bayern & Germany" nashri keltirmoqda.

Ma'lumot uchun, Lennart Karl joriy mavsumda Bundesliga doirasida 19 ta o'yinda maydonga tushib, o'z hisobiga to'rtta gol va ikkita golli uzatmani yozdirib qo'ydi.