"Metallurg" klubiga FIFA tomonidan qo'yilgan transfer ta'qiqi olib tashlandi

Kecha, 9 fevral sanasida, FIFA Intizom qo'mitasi "Metallurg" klubi va uning sobiq futbolchisi Ivan Yosovich o'rtasidagi ish yakunilanganligi haqida ma'lum qildi.

Bekobod klubi serb futbolchisi oldidagi qarzdorliklarini to'laqonli bartaraf etgan va Yosovich klubga nisbatan qo'llanilgan ta'qiqning olib tashlanishini so'rab murojaat qilgan. Shuni inobatga olgan holda, FIFA Intizom qo'mitasi klubga qo'yilgan yangi futbolchilarni ro'yxatdan o'tkazish ta'qiqini olib tashlab, mazkur ishni yopiq deb e'lon qildi.

Ta'kidlash joizki, O'zbekistonda ayni paytda faoliyat yuritib kelayotgan klublar orasida FIFA ta'qiqi mavjud bo'lmaganlar qolmadi.