Albertini: "Milan" - hayotimning eng yaxshi yillari"

Italiyaning "Milan" klubi sobiq yarimhimoyachisi Demetrio Albertini klubda o'tkazgan yillarini faoliyatidagi eng yaxshi yillar deb hisoblamoqda.

"Men har doim "Milan"dagi yillarni hayotimdagi eng yaxshi yillar deb hisoblaganman va shunday bo'lib qoladi. Klubga 11 yoshimda kelib, 31 yoshimda ketdim, bu yigirma yil quvonch va muvaffaqiyatlarga to'la bo'ldi. A Seriyada debyut qilish boshqa, u erda 15 yil o'ynash boshqa. Bu katta farq", - deya Albertini so'zlarini keltiradi pianetamilan.it.

Eslatib o'tamiz, faoliyatining so'nggi pallasida Albertini "Barselona"da ham o'ynashga ulgurgan edi.