"Inter" va "Yuventus" gretsiyalik himoyachiga qiziqish bildirmoqda

"Volfsburg"ning 22 yoshli himoyachisi Konstantinos Kulierakis yozda "Inter" yoki "Yuventus"ga o'tishi mumkin. Bu haqda "Calciomercato" nashri xabar bermoqda.

Futbolchining "Volfsburg" bilan amaldagi shartnomasi 2029 yilgacha mo'ljallangan. Shu sababli A Seriya klublari himoyachini sotib olishlariga to'g'ri keladi. Transfer summasi taxminan 35 million evroni tashkil qilishi mumkin.

Konstantinos Kulierakis Gretsiyaning PAOK klubidan o'tganidan beri "Volfsburg" sharafini himoya qilib kelmoqda. Joriy mavsumda u klub safida 20 ta o'yin o'tkazib, 1 ta gol muallifiga aylandi.