"Milan" "Shaxtyor"ning braziliyalik iqtidoriga qiziqish bildirmoqda

"Milan"ning short-listiga (nomzodlar ro'yxatiga) "Shaxtyor"ning yosh braziliyalik hujumchisi Kauan Elias kirdi.

Biroq braziliyalik uchun kurash shiddatli bo'lishi kutilmoqda, chunki futbolchini "Manchester Yunayted", "Bayer" va "Flamengo" klublari ham kuzatib bormoqda.

Eslatib o'tamiz, Elias joriy mavsumda "Shaxtyor" safida 26 ta o'yin o'tkazib, 11 ta gol urdi va 4 ta golli uzatmani amalga oshirdi. Futbolchining "konchilar" bilan shartnomasi 2029 yilning 31 dekabriga qadar amal qiladi.