«U maqtanmoqchi edi»: Ndiaye Braim Diasning finaldagi muvaffaqiyatsiz penaltisi haqida

«Everton» va Senegal terma jamoasi hujumchisi Iliman Ndiaye Afrika Kubogi finalida «Real» hamda Marokash terma jamoasi yarim himoyachisi Braim Dias tomonidan ijro etilgan penalti borasida o'z fikrlarini bildirdi. Senegal terma jamoasi qo'shimcha vaqtlarda Marokash ustidan 1:0 hisobida g'alaba qozondi. Ikkinchi bo'limga qo'shib berilgan 24-daqiqada Braim 11 metrlik zarbani  «panenka» uslubida ijro etdi, biroq to'pni Senegal darvozaboni Eduar Mendi ushlab oldi. Ushbu zarbadan oldin penalti belgilanishi bo'yicha bahslar kelib chiqqan va natijada Senegal jamoasi maydonni tark etgan edi.

«Men qandaydir hurmatsizlikni his qildim. U bizni haqorat qilmoqchi edi demayapman, lekin u sodir bo'lgan voqealardan keyin shunchaki o'zini ko'rsatmoqchi bo'ldi. Bilmadim, men bunday zarba berishga tavakkal qilgan bo'larmidim. Vaholanki, o'z mamlakatining qiroliga aylanishiga sanoqli daqiqalar qolgan edi. Ular ko'p yillardan beri g'alaba qozona olishmayotgandi va yagona chora — imkoniyatdan foydalanib gol urish edi. Men ichimda: «Ha, u hozir adashadi, u adashadi», deb o'yladim. Va u haqiqatan ham xato qildi. Biz esa bunga hech qanday munosabat bildirmadik. O'yinni davom ettirdik. Shu sababli, nima uchun u bunday qilganini tushunmayman, lekin bundan xursandman. O'ylaymanki, o'sha vaziyatdan keyin biz g'alaba qozonishimizni anglab etdik», — deya Ndiayening so'zlarini keltirmoqda «The Times».