Elit OChL: «Al-Hilol»ning olti o'yinlik g'alabali seriyasiga «Shabab Al-Ahli» chek qo'ydi

«Al-Hilol» va Amirliklarning «Shabab Al-Ahli» jamoalari Elit Osiyo Chempionlar Ligasi bosqichining 7-turida o'zaro to'qnash kelishdi. Dubayda bo'lib o'tgan uchrashuv 0:0 hisobidagi durang bilan yakunlandi.

Saudiya Arabistoni klubi joriy mavsumda ilk bor ochko yo'qotdi — bungacha «Al-Hilol» ketma-ket oltita o'yinda g'alaba qozongan edi. Ar-Riyod klubi 19 ochko jamg'argan holda turnir jadvalida peshqadamlikni davom ettirmoqda.

«Shabab Al-Ahli» esa 11 ochko bilan 5-o'rinda bormoqda.

Manba: www.stadion.uz.