Mark Gexi «Liverpul»ga qarshi o'yinda qahramonlik ko'rsatgan «Manchester Siti»ning 3 nafar futbolchisini ajratib ko'rsatdi

«Manchester Siti» himoyachisi Mark Gexi «Liverpul»ga qarshi g'alabali o'yindan so'ng o'z fikrlari bilan o'rtoqlashdi. Angliya Premer-ligasining 25-turidan o'rin olgan ushbu bahs 2:1 hisobida yakunlandi.

«Bugun bizda o'yin taqdirini o'zgartira oladigan ikki nafar futbolchi bor edi: maydonning bir tomonida Erling va Bernardu, ikkinchi tomonida esa fantastik seyvni amalga oshirgan Jijio! Bugun har bir o'yinchi ajoyib o'yin ko'rsatdi!» — deya Gexining so'zlarini keltirmoqda «City Report».

25 turdan so'ng «Manchester Siti» 50 ochko jamg'argan holda Angliya chempionati turnir jadvalida ikkinchi o'rinni egallab turibdi. Peshqadam «Arsenal» bilan oradagi farq olti ochkoni tashkil etadi.