«Manchester Yunayted»da o'zgarishlar yaqin: Nevill klubning kelajakdagi rejalarini ochiqladi

«Manchester Yunayted» afsonasi Gari Nevill «qizil iblislar» bosh murabbiyi bilan bog'liq vaziyat haqida o'z fikrlarini bildirdi. Hozirda ushbu lavozimni mankunianliklarning sobiq futbolchisi Maykl Kerrik egallab turibdi.

"Men klub rahbariyatiga ularning pozitsiyasi bo'yicha to'g'ridan-to'g'ri savol berdim. Menga allaqachon yangi murabbiy qidirilayotganini aytishdi. O'ylaymanki, bu to'g'ri qaror. Yakuniy xulosa mavsum oxirida chiqariladi", — deya sobiq futbolchining so'zlarini keltirmoqda «Sky Sports».

Kerrik 2025/2026 yilgi mavsum yakuniga qadar «qizil iblislar»ni boshqaradi. Uning qo'l ostida jamoa Premer-ligada ketma-ket to'rtta g'alabaga erishdi. Hozirda «Manchester Yunayted» 44 ochko bilan turnir jadvalida to'rtinchi o'rinni egallab turibdi.