«Stomatolog qabulidagidek qiyin»: Alvaro Arbeloa «Mestalya»dagi g'alaba haqida

Madridning «Real» klubi La Liganing 23-turi doirasida kechgan bahsda «Valensiya»ni mag'lub etdi (2:0). Alvaro Arbeloa jamoasi «ko'rshapalaklar»ga qarshi safar o'yinida Alvaro Karreras va Kilian Mbappe tomonidan 65 va 91-daqiqalarda kiritilgan gollar evaziga uch ochkoni qo'lga kiritdi.

«Mestalya»da «Valensiya»ga qarshi o'ynash stomatolog qabuliga borish bilan barobar. Bu stadionda harakat qilish juda og'ir — «Valensiya» «Real»ga qarshi doim o'zgacha ishtiyoq bilan tushadi. Nazarimda, oxirgi 11 yil ichida biz bu erda bor-yo'g'i uch marta g'alaba qozongan edik. Bu gal ham oson bo'lmadi, lekin futbolchilar sabr-toqat va fidoiylik ko'rsatishdi, buning uchun esa yakunda munosib taqdirlanishdi», — dedi Arbeloa matbuot anjumanida.