Roberto Karlos Ronaldu haqida: "U futbol o'ynashni to'xtatmasligi kerak"

"Real" klubi va Braziliya terma jamoasining sobiq himoyachisi Roberto Karlos Krishtianu Ronalduning faoliyatini yakunlashini istamasligini aytdi.

- Krishtianu Ronalduning jahon chempionatidagi ishtirokini qanday baholaysiz ?

- Krishtianu hech qachon to'xtamasligi kerak. Hech qachon. Agar u bir kun kelib faoliyatini yakunlashga qaror qilsa, unga qo'ng'iroq qilib, to'xtamasligini aytaman (kuladi).
U klublar uchun ham, terma jamoa uchun ham, bolalar va yosh futbolchilar uchun ham juda katta ahamiyatga ega bo'lgan o'yinchilardan biri. U bir oyog'ida bo'lsa ham, emaklab bo'lsa ham futbol o'ynashni to'xtatmasligi kerak. Boshlamoqchi bo'lgan har qanday bolaga ulkan kuch va g'ayrat bag'ishlaydi.

- Jahon chempionatida 1000-golini ura oladimi?

- Krishtianu va futbolni sevuvchilar uchun uning tarix yaratishda davom etishi va rekordlarni yangilashini ko'rish ajoyib. 1000ta gol urgan yagona futbolchi Pele, ammo Krishtianu ham bu ro'yxatdan o'rin olishi mumkin.

Men uni Saudiya chempionatida baxtli va o'ziga ishongan holda ko'raman. Uning bu marraga erishishiga mutlaqo ishonchim komil. U deyarli jarohat olmaydi, yaxshi o'ynashda davom etmoqda, boshqalar uchun namuna bo'lib qolmoqda - Portugaliya bundan faxrlanishi mumkin", - dedi Karlos.