"Liverpul" so'nggi 7 o'yinda atigi bir marta g'alaba qozondi

«Liverpul» APLning 25-turi doirasida o'z uyida «Manchester Siti»ga 1:2 hisobida imkoniyatni boy berdi. Shu tariqa, Arne Slot boshchiligidagi jamoa Premer-liganing so'nggi 7 ta uchrashuvida faqat bir marta g'alaba qozondi — o'tgan turda «Nyukasl» (4:1) mag'lub etilgan edi.

Ushbu omadsiz davr mobaynida «Liverpul» «Bornmut»ga (2:3) imkoniyatni boy berdi, shuningdek, «Byornli» (1:1), «Arsenal» (0:0), «Fulxem» (2:2) va «Lids» (0:0) bilan durang o'ynadi.

Hozirda «qizillar» 39 ochko bilan APL turnir jadvalida 6-o'rinni egallab turibdi.