Ruud Gullit "Chelsi"ning asosiy muammosini aytdi

"Chelsi"ning sobiq futbolchisi va murabbiyi Ruud Gullit London klubining asosiy muammosini ta'kidlab o'tdi. Uning aytishicha, "ko'klar"ning futbolchilari haddan tashqari asabiylashmoqda.

"Chelsi" futbolchilari haddan tashqari asabiylashmoqda, menimcha. Jamoada ularga ozgina xotirjamlik beradigan yoki to'pni yo'qotmasdan ushlab turadigan birorta o'yinchi yoki etakchi yo'q - bu ularga biroz etishmaydi. Ular maydonda o'ynayotganda juda asabiylashadi", - deya Gullitning so'zlarini keltiradi TEAMtalk.

Ayni vaqtda "Chelsi" APL turnir jadvalida 25 turda 43 ochko jamg'argan holda 5-o'rinda bormoqda.