"Liverpul" o'z futbolchisini sotishga tayyor

Hujumchi Federiko Keza yaqin transferlar davrida "Liverpul"ni tark etishi mumkin.

Caught Offside xabariga ko'ra, ingliz klubi italiyalik futbolchi bilan xayrlashishga tayyor. Bu uning uchun kamida 30 million evro taklif qilish sharti bilan amalga oshiriladi. Qayd etilishicha, forvard xizmatiga futbolchi avval ham to'p surgan "Yuventus" qiziqish bildirmoqda.

Bu mavsumda Keza "Liverpul" safida 24 ta o'yinda maydonga tushib, 3 ta gol urgan va sheriklariga 3 ta golli uzatmani amalga oshirgan. Eslatib o'tamiz, hujumchi deyarli barcha o'yinlarda zaxiradan maydonga tushdi.

Futbolchining bozor narxi 18 million evroga baholanmoqda, futbolchining mehnat shartnomasi 2028 yilning yarmigacha amal qiladi.