Flik ketib qoladimi?

Kataloniyaning "Barselona" klubi bosh murabbiysiz qolish xavfi ostida. Marca nashri tarqatgan xabarga ko'ra germaniyalik murabbiy Xans-Diter Flik joriy mavsum yakunlangach jamoani tark etishi mumkin.

Manbaning ta'kidlashicha, Joan Laporta "ko'k-anorranglilar" prezidenti lavozimida qolmasa, shunday bo'ladi. Saylov 15 martga belgilangan.

Nemis o'zini Laporta jamoasining bir qismi deb hisoblaydi va u qayta saylangan taqdirdagina ishni davom ettirishga rozi bo'ladi.

Xans-Diter 2024 yilning yozidan buyon Kataloniya jamoasi bosh murabbiyi lavozimida ishlab kelmoqda. Tomonlar o'rtasidagi mehnat shartnomasining muddati 2027 yil iyun oyi oxirida tugaydi.