Flik: "Kasado va Runi "Barselona" uchun nima muhimligini bilishadi"

"Barselona" bosh murabbiyi Xans-Diter Flik kam o'yin amaliyotiga ega futbolchilar haqida fikr bildirdi.

"Ayrim futbolchilar ko'p o'ynamasa ham, masalan, Kasado yoki Runi, ular jamoa uchun nima muhimligini bilishadi va istalgan vaqtda maydonga tushishga tayyor bo'lishlari kerak", - deya Flikning so'zlarini keltiradi Barca Universal.

Ispaniya La Ligasining 23-turida "Barselona" o'z maydonida "Malorka"ni tor-mor etdi. O'yin 3:0 hisobida yakunlandi. Kasado asosiy tarkibda maydonga tushib, to'liq 90 daqiqa harakat qilgan bo'lsa, Runi Bardji 78-daqiqada zaxiradan maydonga tushdi.

Ispaniya chempionati turnir jadvalida "Barselona" 23 uchrashuvda 58 ochko jamg'arishga muvaffaq bo'lgan holda peshqadamlik qilmoqda.