Alvaro Arbeloa «Real»dagi ilk oyi haqida: «Biz hali eng yuqori sport formamizga yaqin ham kelganimiz yo'q»

Madridning «Real» klubi bosh murabbiyi Alvaro Arbeloa klubdagi faoliyatining birinchi oyi haqida fikr bildirdi.

Madrid klubi La Ligada 22 o'yindan so'ng 54 ochko bilan 2-o'rinda bormoqda. «Barselona» esa peshqadamlik qilmoqda (23 o'yinda 58 ochko).

«Men bor e'tiborimni ishga qaratganman. G'alaba qozonish uchun buyuk jamoalar ko'p narsani a'lo darajada bajarishi kerak. Biz bir vaqtning o'zida ko'plab vazifalarni bajarishni, harakatlarni avtomatik tarzda amalga oshirishni va bir xil fikrlashni o'rganishimiz lozim.

Bunga ko'p soatlik mashaqqatli mehnat va fidoyilik evaziga erishiladi. Kayfiyat avvalgidek yaxshi bo'lib qolmoqda.

Oldinda bizni «Valensiya»ga qarshi qiyin o'yin kutib turibdi va shu hafta davomida biz o'yinning barcha jabhalarini yanada takomillashtirishga e'tibor qaratdik.

Biz hali o'z cho'qqimizdan ancha yiroqmiz», — dedi yanvar oyida Xabi Alonsoning o'rnini egallagan Arbeloa.