«Real» Rodri transferi orqali jamoadagi etakchilik muammosini hal qilmoqchi

«Manchester Siti» safida to'p tepayotgan ispaniyalik yarim himoyachi Rodri Madridning «Real» klubi qiziqishlari doirasida bo'lib turibdi. Bu haqda «Teamtalk» jurnalistlari xabar bermoqda.

Manbaning ma'lum qilishicha, «qirollik» klubi rahbariyati jamoada haqiqiy etakchi yo'qligidan norozi. Klub mutasaddilari «Oltin to'p»ning 29 yoshli sohibi zarur fazilatlarga ega va jamoani o'z ortidan boshlay oladi, deb hisoblashmoqda.

Rodri 2019 yilning yozidan buyon «Manchester Siti» sharafini himoya qilib kelmoqda. Tomonlar o'rtasidagi amaldagi mehnat shartnomasi 2027 yilning iyun oyi oxirida yakuniga etadi. Yarim himoyachining transfer qiymati 75 million evroga baholanmoqda.